Government ereeta amatteeka amapya agafuga ebibanda by’ensimbi ne kampuni ezitambuza ssente okugenda n’okuva ebweru w’eggwanga, erimanyiddwa nga Foreign Exchange Amendment Bill 2022.
Government egamba nti kino kigendereddwamu okukendeeza ekikukusa nsimbi.
Enoongosereza zino zaasoose kukakasibwa olukiiko lwa ba minister, nti kati buli kibanda ekiwanyisa ensimbi kigenda kuba kirina ssente ezitandika business obukadde 50 nga zino zirinyisiddwa okuva ku bukade 20.
Bannanyini bibanda balina okuteeka omusingo mu bank ya Uganda enkulu gwa bukadde 50 nga ssente zino government kwerina okutema ssinga abaddukanya ekibanda ky’ensimbi ekyo babaako ssente z’abantu zebaba babulankanyizza oba okubba mu mwankwetu.
Ebiragiro ebirala kampuni ezitambuza ssente okuva n’okugenda ebweru w’eggwanga, zaakuteeka omusingo gwa bukadde 200 mu bank ya Uganda enkulu, nga nazo zirinyisiddwa okuva bukadde 50.
Gavumenti era egamba nti enkola y’okuzza obuggya olukusa buli mwaka eri kampuni zino, okukola egenda kugibwawo nga zino bagenda kuziwa omulundi gumu okutuusa nga zzo zigaddewo oba nga zigaddwawo government
Minister omubeezi avunanyizibwa ku by’ensimbi, Henry Musaasizi, asinzidde ku Uganda Media Center, n’agamba nti enongosereza mu tteeka lya Foreign Exchange Amendment Bill 2022, zigenda kuyamba mu kulwanyisa obufere n’okukusa ensimbi.
Bisakiddwa: Ddungu Davis