![](https://cbsfm.ug/wp-content/uploads/2022/06/IMG-20220514-WA0058-300x171.jpg)
Ba memba ba CBS Nsonga fans club bongedde omutindo ku muwogo gwebalima,mu kawefube w’okwekulakulanya n’okukuuma obumu nga bwebongera n’okuwuliriza CBS.
![](https://cbsfm.ug/wp-content/uploads/2022/06/IMG-20220608-WA0107-300x241.jpg)
Muwogo ono gwebalima bamukaza nebakolamu obuwunga, bwebagattamu ebirungo ebirala omuli soya.
![](https://cbsfm.ug/wp-content/uploads/2022/06/IMG-20220514-WA0055-300x187.jpg)
Olunaku olwokubiri CBS Nsonga fans club baluwaayo okulimira awamu nga ba memba, bwemaliriza okulima nebakungaanira mu maka g’omugenzi Yonasaani Nviiri,buli omu nebatereka akasete kasobodde.
![](https://cbsfm.ug/wp-content/uploads/2022/06/IMG-20220608-WA0109-300x156.jpg)
Ssentebe wa CBS Nsonga Fans Club Latif Wanyale agambye nti basisinkana okutema empenda ez’okwongera okunoonyeza eby’amaguzi byabwe akatale, ate n’okukubiriza ba memba n’abatuuze be Nsonga okunywa obuugi buno olw’ebiriisa ebibulimu.
![](https://cbsfm.ug/wp-content/uploads/2022/06/IMG-20220608-WA0111-300x173.jpg)
Omuyima w’ekibiina kino era nga ye mutuba I Nakisunga Ssekamatte Ronald,abakubirizza okukuuma omutindo n’okwongera obuyiiya mu byebakola, okwongera okufunamu ensimbi ezegasa okwekulakulanya.
CBS Nsonga Fans Club esangibwa mu ssaza Kyaggwe mu district ye Mukono Ssaabagabo Kiyoola.