Omuduuumizi w’eggye ly’eggwanga erya UPDF Gen.Muhoozi Kainerugaba era mutabani w’omukulembeze w’eggwanga alabudde bannauganda nti buli anaamala okulonda mu kalulu ka bonna aka 2026, adde ewaka tewali byakukuηaanira mu bifo ebironderwamu.
Gen. Muhoozi Kainerugaba agambye nti ng’abyokwerinda sibetegefu kugumiikiriza bikolwa ebiyinza okuva mu bantu okukungaana abantu mu bifo ebironderwamu.
Gen.Muhoozi abadde aliko abajjaasi bateekako enyota ku kitebe ky’amagye e Mbuya, naategeeza nti tewali nsonga yonna ebeaza bantu mu kifo nga bamaze okulonda, nagamba nti abakuuma ddembe bagenda kubeerawo okulaba nti buli kimu kitambula bulungi, era yalagidde bannauganda nti amala okulonda adde awaka.
Wabula abatunuulizi b’ebyobufuzi, banamateeka nabalwanirize b’eddembe ly’obuntu bakubye ebituli mu bigambo by’omudduumizi wa UPDF, nga bagamba nti ssemateeka w’eggwanga awa bannauganda olukusa okusigala mu bifo webalondera wakiri kilometer 20 ezesudde ebifo ebyo, nga bwebalindirira akalulu okubalibwa.
Amyuka president w’ekitongole ekitaba bannamateeka ekya Uganda Law Society Asiimwe Anthony agamba nti akakiiko k’ebyokulonda mukaseera kano kekalina obuyinza obusembayo okwogera ku ensonga z’ebyokulonda sso si magye oba mudduumizi waago.
Ye akulira oludda oluvuganya government mu Parliament Joel Ssenyonyi asabye amagye okusigala mu kukuuma emirembe gyabannauganda n’okukuuma ensalo, sso ssi kwogera ku byabufuzi.
Omwogezi we ggwandisizo lya NRM Rogers Mulindwa ategezeza nti omuduumizi wa UPDF obuyinza obuyinza abulina obw’okwogera ku nsonga yonna eteeka ebyokwerinda byeggwanga mu katyabaga, kuba akwatibwako butereevu okukakasa nti bannauganda bakuumiddwa bulungi.
Gyebuvuddeko ssentebe w’aakkiiko k’ebyokulonda omulamuzi Simon Mugenyi Byabakama yalabula abantu obutasigala webalondedde, okwewala okuleetawo embeera eyinza okutabangula emirembe n’okukubwa emiggo.#
