Alipoota y’Omwaka 2024 efulumiziddwa ekitongole ekirwanirira eddembe lya Bannamawulire ki Human Rights network for Journalists Uganda, eraze nti Bannamawulire 110 bebatyoboolebwa eddembe mu mwaka 2024, wadde Omuwendo gwakendedde okuva ku bannamawulire 122 abatyoboolebwa mu mwaka 2023.
Alipoota eraze nti Bannamawulire 52 bebagaanibwa okukola emirimu gyaabwe, 8 ebyuuma byaabwe byayonoonebwa, 3 batisibwatiisibwa okuttibwa, 5 batwaalibwa mu kkooti ,2 ebyuma byabwe byabbibwa.
Alipoota eno eraze nti ekitongole kya Police kyekikyanywedde akendo mu kutulugunya bannamawulire n’emisango 38, UPDF neddako. ate JAT nedda mu kyokusatu, nga erina Emisingo 13, military police Emisingo 2, ate abantu ba buligyo 28 bebaatuusa obulabe ku bannamawulire.
Obulumbaganyi bwa bitundu 50% bwakolebwa ku bannamawulire abakolera ku TV, ebitundu 27% ku bannamawulire aba Radio, ebitundu 9% ba Mpapula z’Amawulire ,ate 6.3% bebagasakira ku mitimbagano.
Bannamawulire 15 nga bakyaala bebatuusibwako obulabe ku Mirimu gy’Okugasaka, okuva ku bannamawulire abakyaala 14 abaakosebwa mu mwaka 2023.
Ekitundu kya Kampala kyaafuna emisango gya bannamawulire 70 omwaaka 2024, Wakiso emisango 12, Gulu ne Lwengo 5, Mpigi 4,Arua ne Kyenjojo 3, ate Mubende ne Oyam omusango 1 Ssonga ebitundu ebirala temwali kutulugunya bannamawulire.
Bannamawulire mu Buganda bafunye emisango 96, Obukiiko ddyo bwa Uganda emisango 6, bukiika kkono (Western) emisango 5, ate West Nile emisango 3 gyokka.
Bwabadde atongoza alipoota eno mu Kampala, akulira ekitongole ekirwanirira bannamawulire ki Human rights Network for Journalists Uganda Robert Ssempala, asabye wassibwewo akakiiko akalondoola eddembe lya Bannamawulire bafune Obwenkanya.
Ssempala ayogedde ku mbeera y’Omusaala Omutono bannamawulire gwebafuna, naasaba abaddukanya emikutu obutafuiriza baweereza.
Margret Ssekajja nga memba ku kitongole ki Human Rights Network for Journalists Uganda, agambye nti okutulugunyizibwa kwa bannamawulire Abakyaala ssinga kuneeyongera, bannamawulire Abakyaala boolekedde okusuulawo emirimu bakole ebirala.
Bannamawulire nga bakulembeddwamu Ivan Kimuli Kigozi, bennyamivu olwengeri ebitongole ebimenyeddwa mu kutyoboola eddembe gyebiremedde ku neeyisa enkyaamu, naasaba ababikulira okubaako kyebakola.
Bisakiddwa: Kato Denis
