Ba minister abawerako omukulembeze w’eggwanga beyalonda nga ssi babaka ba parliament bakubye ebirayiro ebibakkiriza okutuula mu parliament okuteesa, n’okukola emirimu gya parliament.
Amateeka agafuga parliament galagira ba minister abatali babaka ba parliament okusooka okukuba ebirayiro, olwo nebakkirizibwa okutuula mu ntuula za parliament n’okuteesa.
Ebirayiro babikubidde mu lutuula lwa parliament olukubiriziddwa sipiika Jacob Oboth Oboth.
Ba minister abakubye ebirayiro kuliko Nsumikambi Kiryoowa Kiwanuka nga ye minister w’ebyokwerinda, Owek JC Muyingo minister omubeezi ow’ebyenjigiriza avunanyizibwa ku matendekero agowaggulu,
Minister w’ebyobusuubuzi amakolero n’ebibiina by’obwegassi Sanjey Tana,Justine Kasule Lumumba minister w’amawulire, okuluηamya eggwanga ne tekikonologiya era omwogezi wa government, n’abalala .
Sipiika wa parliament Jacob Oboth Oboth abakwasizza ssemateeka w’eggwanga n’akatabo akalimu okuluηamya entambuza y’emirimu mu parliament.
Bakubye ebirayiro ebikubwa ababaka ba parliament okuli eky’okubeera abawulize eri parliament ,okuddukanya emirimu gya parliament mu bwesimbu nookukuuma ssemateeka w’eggwanga.#
