Abatuuze mu kabuga ke Kawoko mugombolola ye Butenga mu district ye Bukomansimbi balwanaganye n’abazigu ababbisa emmundu, bagibasuuzizza ng’erimu amasasi agawerako.
Ensitaano ey’amaanyi ebadde wa Mutuuze Mutyaba Bonny okulinaana akamu ku busuundiro bw’amafuta mu kitundu ekyo, basimye ekituli nebayingira munnyumbaye.
Mutyaba alwanaganye n’owemmundu,najimusuuza munju nebalwanagana okutuuka ebweru ng’eno bwalaya enduulu, abatuuze olusembede abazigu nebalinnya piki piki nebadduka.
Mutyaba Bonny agamba nti eddiiro okubeera effunda ennyo lyerimuwonyezza okukubwa amasasi nti kubanga ow’emmundu abuliddwako wasinziira, naye kwekubutomera emmundu n’egwa nebatalantuka okutuuka ebweru, nga bayita mu kituli ababbi kyebabadde basimye munju.
Police ye Butenga ewulidde enduulu wamu neye Bukomansimbi zituuse, emmundu eyo nezigitwala, era ng’ebaddeko obubonero bwa Uganda Police.
Amyuka akulira ebyokwerinda e Bukomansimbi RDC Salongo Kalema Fred Pax,akakasizza nti ddala emmundu esuuziddwa ababbi ya Uganda Police,nti naye siye Bukomansimbi era bakyanoonyereza gyeyavudde.
Bisakiddwa: Ssebuufu Mubarak Junior