Abantu basatu ababadde basaabalira mu mmotoka kika kya Harrier No. UAR 705 S bebasimattuse akabenje, ddeereva bweyekanze lukululana, emmotoka newuguka nebakasuka mu lusaalu.
Akabenje kano kabadde ku kyalo Jongoza ku nkingirizi ye Kibuga Kaliisizo ku luguudo oluva e Masaka okudda e Kyotera .
Mu mmotoka mubaddemu abantu 3, okubadde abaami 2 aba Tanzania nómukyala omu munnauganda.
Emmotoka gyesibidde gyebayingiriddwa enjuki nezibalumaaluma.
Abadduukirize bagenze okubatuukako ngénjuki zitaamye, nebakuba endabirwamu yémmotoka nebavaamu nga bonna bawulubadde era nga zikyababembereddeko.
Wabula ekyewunyisizza abadduukirize ye mukyala abadde akutte akasawo ngákanywezezza nga bwalaajana nti mubaddemu sente era tazibbye bubbi.
Oluvannyuma police yébidduka e Kyotera ngékulembeddwamu Alex Mulamuzi ereese kasiringi nésikayo Harrier.
Wabula abantu bagenze okumagamaga ababadde mu mmotoka abasimattuse akabenje nga tebalabikako, police emmotoka negitwala ku kitebe kyayo e Kaliisizo gyekuumibwa.
Bisakiddwa: Ssozi Ssekimpi Lwazi