Bannakibiina kya National Unity Platform abasoba mu 08 abaali baweereddwa kaadi era nebasuunsulwa okuvugabya ku bifo by’ababaka ba parliament, bebaakazisuulawo nebegatta ku NRM.
Bavudde mu bitundu okuli Kigezi, Ankole, Bunyoro ne Tooro.
Abamu kwabo kuliko Peter Mpaka eyali aweereddwa kaadi okuvuganya ku kifo Kya Mbarara city North, Brian Asingwire eyali aweereddwa eya Buyaga East ,Akandinda Ziada eyali aweereddwa kaadi ku kifo ky’omubaka omukyala owa district ye Kannungu, Lilian Kiobugabe eyali aweereddwa kaadi y’omubaka omukyala owa district t ye Kabalore
Abalala kuliko Alan Trafford Tufune eyali aweereddwa kaadi ku kifo kyomubaka wa Bugahya mu district ye Hoima, ,Jordan Tumwiine eyali aweereddwa kaadi ku kifo ky’omubaka wa Rwampara, Kamaradi Guard eyali aweereddwa kaadi ku kifo kya Ruhama nabalala bangi ku mutendera gwa government ez’ebitundu.
Eyasembyeyo ye Brain Atusingwire owa Buyaga East eyegase ku NRM Olunnaku olweggulo, naagamba nti yalabye omusana ,era Ono yalangiridde mu lukungaana lwa Mwami Museveni lweyakubye e Kagadi okunoonya akalulu addemu aweebwe ekisanja ekirala ku bwa president bw’eggwanga.
Ssaabawandiisi wa NUP David Lewis Rubongoya agambye nti ekyabantu bebaawa kaadi nebasala ate okwegatta ku NRM ekyabasobedde
David Lewis Rubongoya agambye nti balina amawulire nti waliwo naabalala bangi aba NRM bazze babatuukirira nga baboogereza okwegatta ku NRM ebawe ensimbi.
Bangi kwabo abaze basala eddiiro balumiriza ekibiina ki NUP olw’obutabakwasizaako mukubavugirira okunoonya akalulu, wabula abakulu ku NUP babyesamba nti sibituufu.#
