Police ekutte abakuumi babiri mu Kyotera Town Council, nga bavunaanibwa okunywa omwenge nebagangayira nebasuula n’emmundu.
Wabaddewo obunkenke abakuumi bano 2 ab’ekitongole ekikuuma etterekero ly’omwenge ne soda, bwebamaze okugunywa emmundu nebaleka awo, mukama wabwe agenze okutuuka nga tebamanyi biri kunsi, emmundu najirondawo naajitwala.
Abakuumi bano ababadde bakala ku mulimu ennaku 3 bwebazze engulu ng’omwenge gubaamuseeko, ng’emmundu tebajiraba kwekwetwala ku police nayo nebaggalira.
Police ebadde etutte embwa enkonzi y’olusu okunoonya emmundu, wabula eyajitutte naye wategeerezza police nti yaagirina.
Omwogezi wa police mu kitundu Twaha Kasirye agambye nti abakuumi bano bagenda kuvunaanibwa ogw’okulagajjalira omulimu gwabwe.
Bisakiddwa: Ssozi Ssekimpi Lwazi
