Abakulembeze ba district ye Bukomansimbi bennyamidde, okukizuula nti abamu ku basomesa mu masomero ga government aga primary abaali baapoondooka nebava mu kediimo era nebaddayo ku masomero nti kyali kigumaaza kyenyini, nti kuba wadde gyebali ku masomero naye basomesaako ekibiina kimu eky’abayizi ba P7 abetegekera ebigezo bya UNEB.
Mukulambula Projects district ye Bukomansimbi zeyakola mugamu ku masomero omwaka gw’ebyensimbi ogwa 2024, abakulu webakitegeeredde nti ddala akediimo kabasomesa kakyageenda mu maaso, wadde ng’abasomesa bangi gyebali ku masomero era n’abayizi balabwayo.
Ssentebe wa district ye Bukomansimbi Fred Nyenje Kayiira, olukiiko lwe olwa executive, omulambuzi w’amasomero Mutebi Fred, Kalaani wa Council ya Bukomansimbi Mugerwa Robert, nayogerera district bakedde kutalaaga amasomero gonna nga batandikidde mu gombolola ya Butenga rural, Butenga town Council, Bukomansimbi town Council, Bigasa, Kitanda, Kigangazzi newalala, nga balambudde toilets ezomulembe 10 kwosa ebizimbe ebipya nga byazimbiddwa mu mwaka gw’ebyensimbi 2024.
Wabula ku masomero mangi,wadde batuukiddeyo mu budde bwakusoma, naye basanze abayizi bali wabweru bezannyira.
Abamu ku basomesa CBS FM beyogeddeko nabo nga tebaagadde kubaatuukiriza mannya n’amasomero gabwe,bagambye nti omwoyo gw’ekizadde gwegwabazza mu kibiina, basomeseeko abayizi ba P7 bokka abagenda mu bibuuzo byabwe eby’akamalirizo.
Abazadde abamu eby’okusindika abaana ku masomero nabo babivaako, era ng’abakulira district waliwo webatuuse nga esomero ery’abayizi 600 waliwo abayizi nga 100, era nga nabamu babadde bezannyira.
Bisakiddwa: Mubarak Ssebuufu Junior
