Abasajja babiri nga bannaUganda basindikiddwa ku alimanda mu kkomera e Mpigi, ku bigambibwa nti baakukusa abantu okuva mu Burundi nebabayingiza Uganda
Ssali Haruna ne Katamba Yasin bebasimbiddwa mu maaso gomulamuzi weddaala erisooka atuula eMpigi Patience Kobutunguka, nabasindika ku alimanda okutuusa nga 17 January, 2023 lwebannazibwa mu kkooti okumanya okunonyereza wekutuuse ku musango guno
Kigambibwa nti nga 29 December, 2022 ababiri bano nga beyambisa emmotoka ya takisi(Drone) namba UBM 711K nga bayita ku nsalo ya Uganda e Mutukula, bayingizza mu Uganda abantu 24 abaava e Burundi nga tebamanyiddwa bibakwatako.
Abantu bano 24 kuliko omukazi omu abasigadde basajja.
Oludda oluwaabi lutegezezza kkooti nti okunoonyereza kukyagenda mu maaso.
Bisakiddwa: Yoweri Musisi
