Abadde akulira abakozi ku district ye Kagadi Godfrey Musinguzi wakumdla emyaka 3 ngali mu kabulamuliro e Luzira, oluvannyuma lw’okusingisibwa omusango gw’okukozesa obubi wofiisi.
Okusinziira ku bujulizi, Musinguzi ng’akozesa ekifo kye yayingiza abakozi abawerera ddala 60 ku district, n’abateeka ne ku lukalala okusasulirwa abakozi abakozi ba district, so nga akakiiko aka District Service commission kekalina obuyinza obwo.
Omulamuzi Lawrence Gidudu owa Kooti ewozesa abalyake n’abakenuzi, y’akalize Godfrey Musinguzi era n’amulagira obutaddamu kufuna mulimu gwa government gwonna okumala emyaka 10.
Omulamuzi Gidudu agambye nti abantu nga Musinguzi basaanye okusibwa nti kubanga bebattatanye ebitongole bya government nga bayingizaamu abantu abatatuukiridde, emirimu negikolebwa gadibengalye.
Bisakiddwa: Mpagi Recoboam