Ababaka ba parliament owa Kawempe North Muhammed Ssegirinya nowa Makindye west Allan Ssewanyana tebafunye mukisa kwogerako mu parliament.m oluvannyuma lw’ebbaga erisoba mu mwaka mulamba n’ekitundu nga bali mu kkomera.
Ababaka bano baayimbuddwa ku kakalu ka koyi ku misango gy’ettemu ly’ebijambiya ebyali mu bitundu bye Buddu mu mwaka gwa 2021, abantu abasoba mu 30 bebaattibwa.
Ababaka bano betabye mu lutuula lwa parliament, era Nampala w’oludda oluwabula government John Baptist Nambeshe asabye omumyuka wa sipiika Thomas Tayebwa ababaka abo abaweeyo akadde babeeko kyebogera.
Wabula sipiika abagaanye nti tebabadde ku lukalala lwe byo ebirina okuteesebwako oba olwabo abalina okuwa statement mu parliament.
John Baptist Nambeshe era yegayiridde Thomas Tayebwa akkirize ababaka bano babeeko kyebogera eri parliament olwokuba nti bamaze ebbanga ddene nga tebogerako eri parliament n’eggwang lyonna, wabula era sipiika neyeerema, nti okusaba kwabwe kuweeresswayo kikeerezi.
Omumyuka wa sipiika Tayebwa ategeezezza ababaka nti parliament erina amateeka agagifuga era gegoberera ng’rkola emirimu gyayo gebatasobola kumala gayisaamu maaso.
Asabye ababaka abo olunaku olunaku oluddako okukeerako mu office ye basobole okuteekebwa ku lukalala lwebyo ebirina okukubaganyizibwako ebirowoozo(order paper).
Ababaka bano oluvanyuma lw’okufuluma ekisenge omutesezebwa bogeddeko eri abamawulire ku parliament ne banyonyola byebayisemu nga bali mukomera e Kigo.
Omubaka Mohammed Ssegirinya ategeezezza nti wadde akyalumizibwa naye awulira esanyu olwokuba nti asobodde okuyingirako mu kisenge awatesezebwa omulundi gwe ogusosse bukyanga alondebwa, nti kuba bweyali tanakwatibwa, parliament yatuula nga bweru mu weema olwa Covid19.
Ate ye Allan Ssewanyana yebazizza omutonzi olwokumusobozesa okuva mu komera nga akyasoboola okussa, era bwatyo nawera naye okufuba okutuukirizza ebyo byeyasuubiza abantu be abaamulonda.
Bisakiddwa: Ssebadduka John Paul