Akabondo Kababaka bannakibiina ki NRM mu parliament bongedde okwewera nti enteekateeka ya government ey’okugatta ekitongole ki Uganda Coffee Development Authority (UCDA) yakugenda mu maaso, parliament bwekomawo okuva mu luwummula.
Abakulembera akabondo kabwe basisinkanye ab’amawulire kuparliament nebategeeza nti omuwendo ogunaasemba ebbago eriggyawo ekitongole kino bagulina.
Nampala wa governmentmu parliament era nga ye Ssentebe wakabondo ka NRM mu parliament Hamson Obua agambye nti ekiteeso ky’okugatta ebitongole bya government olukiiko lwa baminister baaluyisa mu 2021, nti kati kyekiseera okussibwa mu nkola awatali kukugirwa.
Omubaka Omukyala owa district ye Kitgum Lillian Aber nomubaka wa Kibanda North mu district ye Kiryandongo Linos Ngompek beewaanye nti balina omuwendo ogw’essalira oguyisa ensonga zonna zebetaaga, era nerikwata ku mmwanyi ery’okuggyayo ekitongole ki UCDA tebalina kutya kwonna ligenda kuyita nga bwebetaaga.
Bisakiddwa: Nabagereka Edith
