Ttiimu y’essaza Buddu etandise nabuwanguzi mu mpaka z’Amasaza ga Buganda ez’omupiira ogw’ebigere ez’omwaka guno 2026, ekubye Buluuli goolo 2-1.
Omupiira guno guzanyiddwa mu kisaawe kya Kitovu Arena, era goolo eziwadde Buddu obuwanguzi zitebeddwa Obed Ronald ne Brian Tumusiime Matu.
Omuzannyi Hassan Kalega Gaata owa Buddu yalondedwa nga omuzannyi asinze mu mupiira guno.
Mu kibinja kye kimu Bulange, Busujju ekubye Buvuma goolo 1- 0.
Mu kibinja Masengere, Kyaggwe erumbye Mawokota omwayo mu kisaawe e Buwama n’egikubirayo goolo 1-0.
Busiro egudde maliri ne Gomba 0-0 e Nabbingo.
Mu kibinja Muganzirwazza, Ssingo ekubye Kabula goolo 2-1 e Mityana.
Bugerere egudde maliri ne Kkooki goolo 1-1 e Ntenjeru.
Bisakiddwa: Isah Kimbugwe
