Ekibiina ekiddukanya omuzannyo gw’ensero mu Uganda ekya FUBA, kirangiridde munnansi wa Bosnia and Herzegovina, Goran Lojo, ng’omutendesi omugya owa ttiimu y’eggwanga ey’abasajja eya The Silverbacks.
Omutendesi Goran Lojo azze mu bigere bya bya George Galanopolous abadde amaze ku ttiimu eno ebbanga lya myaka 5.
Omutendesi omugya Garan Lojo atendeseeko ttiimu z’eggwanga okuli eya Bosnia and Herzegovina ey’abakazi ne ya Uganda ey’abakazi eya The Gazelles.
Omulimu gwe ogusooka kwe kuteekateeka Silverbacks okwetegekera oluzannya olusooka olw’empaka za FIBA Basketball World Cup Qualifiers ez’omwaka guno.
Oluzannya olusooka olw’empaka zino lwa kuzannyibwa okuva nga 26 February, okutuuka nga 1 March,2026 mu kibuga Cairo ekya Misiri.
Uganda Silverbacks mu mpaka zino egenda kuvuganya ne n’ensi endala okuli Misiri, Angola ne Mali.
Bisakiddwa: Isah Kimbugwe
