Katikkiro wa Buganda Charles Peter Mayiga ajjukizza Bannayuganda bonna okutwala obuvunanyizibwa obwókukwatirako abo abali mu bwetaavu, naddala bwe kituuka ku kusomesa abaagala okusoma kyokka ngénsawo zabwe zikyali nnafu.
Katikkiro abadde yeetabye ku kyeggulo kyábaasomerako ku St Mary’s College Kisubi ekitegekeddwa ku Hotel Africana mu Kampala.
Katikkiro ákinogaanyizza nti okukwatirako abali mu bwetaavu buvunaanyizibwa bwa buli muntu omugunjufu, era tebuba budduukirize wabula buvunaanyizibwa.
Abaasomerako ku St Mary’s college Kisubi basabiddwa okunnyikiza enteekateeka eyókuyamba abatalina mwaasirizi, ngému ku ntekateeka zÓkutuukiriza obuvunaanyizibwa bwabwe eri eggwanga.
Katikkiro mungeri eyenjawulo asabye abazadde obutakoowa kuweerera baana, kyokka naavumirira enkola eyókusavuwaza abayizi ababa bayise ebigezo nebatuuka n’okubooleka Kamera, kyagambye nti kittattana omutindo gwÉbyenjigiriza.
President wÉkibiina ekigatta abaasomerako ku St Mary’s College Kisubi Roy Baguma ategeezezza nti mu ntekateeka yÓkuddiza eri eggwanga, basazeewo okwekunganyaamu ensimbi , okudduukirira abalwadde bÉnsernke 5000 nÓmusobyo, nga kino kikoleddwa okuzzawo essuubi lyÓkulaba obulungi .
Ku kyeggulo kyekimu kubaddeko okutongoza Omukutu ogutuumiddwa SMACKOBA app, abaasomerako ku St Mary’s College Kisubi kwebanaayita okumanyagana, okunonyezaako emirimu nÓkuwuliziganya obulungi.
Mungeri eyenjawulo waliwo abantu abasiimiddwa nÁmayinja agomuwendo,Omubadde Omulangira Dr Hajji Kasim Nakibinge, Prof John Ddumba Ssentamu ,Dr. Charles Mbiire ne John Mukalazi Kamya.
Abalala abasiimiddwa kubaddeko Minister Hilary Onek, Omulamuzi Ralph Ochan, Omulamuzi Remmy Kasule, minister Matia Kasaija, Brother Joseph Tinkasiimire,Brother Peter Kazekulya , Prof Dr Moses Kamya nÁbalala bangi,olwébirungi byebaakolera essomero.
Bisakiddwa: Kato Denis
