Ttiimu y’eggwanga ey’omupiira ogw’okubakaa eya She Cranes esitukidde mu mpaka z’ensi yonna eza Celtic Netball Championship ez’omwaka guno 2025 oluvanyuma lw’okukuba Wales obugoba 70-48.
Empaka zino zibadde ziyindira mu kibuga Glasgow ekya Scotland.
Omuteebi wa She Cranes Mary Nuba yalondedwa ng’omuzannyi asinze mu mupiira guno.
Empaka zonna omugatte zetabiddwamu amawanga 06, nga She Cranes emazeko empaka zonna nga ewangula buwanguzi.
Mubaddemu Nothern Ireland,Wales,Namibia,Zimbabwe,Scotland ne Uganda eziwangudde.
Omuzannyi wa She Cranes Shadia Nassanga yalondeddwa ng’asinze banne mu mpaka zonna, era kino kye kikopo kya She Cranes ekisoose ku ttaka lya Bungereza.
Kakaano She Cranes egenda kuzaako okuvuganya mu mpaka za Africa eza Africa Netball Championships ezigenda okubeera e Malawi okuva nga 08 okutuuka nga 14 omwezi ogujja ogwa December,2025.
Mu ngeri yeemu yakwetaba mu mpaka z’ekikopo ky’ensi yonna ekinabeera mu Australia 2026.
Bisakiddwa: Isah Kimbugwe
