Club ya Uganda Revenue Authority egucangira mu liigi ya babinywera eya Uganda Premier League, efuumudde abadde omutendesi waayo Alex Isabirye oluvanyuma lwa club eno okwolesa omutindo ogwékiboggwe okuva liigi eno eya season 2025/26 lwe yatandika.
Alex Isabirye agenze okugobwa ku mulimu guno nga URA kyejje ekubwe KCC ku goolo 2-1 mu kisaawe e Lugogo.
Alex Isabirye yalondebwa ku butendesi wa URA mu May 2023.
Atendese URA emipiira 36, nga awanguddeko 17, agudde amaliri ga mipiira 09 ate akubiddwa emipiira 10.
Alex Isabirye agobeddwa nabamyukabe okuli Baker Kasule, Ddamba Jamil ne Patrick Asiku.
URA agirese mu kifo kya 11 ku kimeeza kya ttiimu 16 nóbubonero 08 okuva mu mipiira 07.
Alex Isabirye atendeseko ttiimu endala okuli BUL, Vipers, Express mukwano gwabangi, Soana, Kyetume, Nyamityobora ne club ya Horseed eya Somalia.
Bisakiddwa: Isah Kimbugwe
