Akakiiko akavunanyizibwa ku bamusiga nsimbi mu Maka g’obwa President aka State House Investors Protection Unit kafulumizza amannya gaabadde yeyita senkulu w’akakiiko kano, olulala neyeyita ow’amagye n’aggya ensimbi ku bantu mu lukujjukujju.
Akwatiddwa ye Mugumya Frank nti ng’oluusi abadde yeyita Hannigton Banda.
Kigambibwa nti Mugumya abadde agenda agamba abantu nti ye senkulu wa State House Investors Protection Unit, kyokka nga kakulemberwa Col. Edith Nakalema
Kigambibwa era oluusi abadde yeyita munamagye ali ku ddaala lya major, ate oluusi ne yeyita Superintendent wa Police.
Hannigton agenze okwatibwa kigambibwa nti abadde abbyeko abantu abaweera ensimbi, okuli ne Marion Ariho agamba nti yamubbako obuwumbi obusoba mu 3 ne kitundu nga amusubiza okumuyambako ku mirimu gye.
Mu ensisinako ya banamawulire ku office za kakiiko Kano e Nakasero mu Kampala, akulira ebyemawulire ne technologiya mu kakiiko kano Brian Henry Gubya agambye nti omukwate agenda kubayamba okubatuusa ku bantu abalala babadde akola nabo okubaako abantu ensimbi zabwe.
Gubya ategezeza nti Mugumya abadde akozesa obukujjukujju bungi okulimba abantu okusobola okubaggyako ssente, era obujjulizi obumulumika babulina.
Abamu ku bantu abazze baferebwa Mugumya Frank ne banne , baabulidde ba mbega ba State House Investors Protection Unit engeri gyebazze babbibwamu ne basaba akakiiko kakole ekisoboka okuddizibwa ssente zabwe.#
