Government efulumizza sente za shilling trillion 18 n`obuwumbi 403, mu tundutundu ery`okubiri eryembalirira y’eggwanga ey`omwaka guno 2025/2026.
Patrick Ocailap akolanga omuteesiteesi omukulu Owa Ministry y’ebyensimbi n`okutekeeratekera eggwanga, abadde ku wofiisi za ministry mu Kampala gyafulumirizza alipoota ku nsimbi eziweereddwayo eri ebitongole eby’enjawulo, naategeeza nti ku nsimbi zino kuliko ssente zonna akakiiko keby`okulonda zeketaaga mu kuteekateeka akalulu ka 2026.
Mu ttundutundu lino akakiiko k’ebyokulonda kafunye shilling obuwumbi 52 n’obukadde 701. Zino zezibadde zibulayo okujjuza ensimbi obuwumbi 450 ezaabalirirwa okusaasaanyizibwa mu ntekateeka y’okulonda ey’akalulu akajja 2026.
Ministry y’byentambula efunye shslling Trillion 1 n’obukadde 702. Zino kati ziwezezza ensimbi ebitundu 82%, ministry eno zerina okufuna okukola ku nguudo ezassibwa mu mbalirira y’omwaka guno 2025/2026.
KCCA efunye obuwumbi 145 n’obukadde 608, okukola enguudo n’emyala.
Government yakola embalirira y’omwaka 2025/2026 ya shilling Trillion 72.38 ezirina okutambulizibwako emirimu gy’eggwanga.
Werutuukidde olwaleero nga yakafulumya Trillion 38.61, nga zikola ebitundu 53.4% eby’embalirira yonna eyayisibwa..#
