Police ya Uganda erabudde nti tegenda kukkiriza munnabyabufuzi yenna kukuba nkuηaana zabwe mu bisaawe bya masomero, ng’abayizi bakyakola ebibuuzo byabwe ebyakamalirizo ebya UNEB.
Abayizi ba S.4 mu butongole bakoze empapula zabwe ezisoose mu bigeezo by’omwaka guno, era okusinzira ku kitongoele kye bigeezo ki UNEB kigamba nti olunaku oluse lutambudde bulungi.
Omwogezi wa police mu gwanga Rusoke Kituuma abadde mu ensisinkano ne banamawulire ku kitebe kya police e Naguru, nategeza nti engeri ebibuuzo gyebitandise bakwongera okwogerezaganya ne bannabyabufuzi naddala abali mu kuwenja akalulu kwo bwa President okulaba nga enkuηaana ezibadde ezokubeera ku masomero zitwalibwa mu bifo ebirala.
Mungeri yemu police etegezeza nti wiiki ebiiri ezisoose ng’abegwanyiza obwa President bawenja akalulu okwetolola e ggwanga lyonna zibadde zikyatambudde bulungi okutwalira awamu ne wankubadde okusomozebwa tekubulamu.
Kituuma agambye nti okusinzira ku kwekenenya kwebakoze tewabadde kusika nnyo muguwa era ne yetonddera bannauganda police bweba yayise werina okukoma mu kukwasisa amateeka gebyokulonda, kyoka nasaba abesimbyewo okusigala nga bagondera amateeka agabaweebwa police.
Ono ategezeza nti enkola yokusikaggana wakati wa besimbyewo ne police tejja kubawo buli ludda werunatambulira ku mateeka nga bwegalambikibwa.#
