Ttiimu y’essaza Kyaggwe, Buweekula ne Bugerere zitaangazizza emikisa gyazo egy’okwesogga omutendera gwa semifinal bwe bawangudde emipiira egy’oluzannya olusooka ku quaterfinal.
Kyaggwe ekubye Ssese goolo 2-0 e Mukono, Bugerere ekubye Buluuli goolo 2-1 e Ntenjeru, Buweekula erumbye Busujju omwayo n’egikubirayo goolo 1-0 ate nga Mawokota egudde maliri ne Ssingo 0-0 mu kisaawe e Buwama.
Emipiira egy’okuddiηηana gigenda kuzanyibwa nga 04 ne 05 October,2025.
Final ya Masaza ey’omwaka guno ejja kuzannyibwa nga 01 November,2025 kisaawe e Nakivubo.
Bisakiddwa: Isah Kimbugwe
