Ekibiina ekiddukanya omupiira mu Uganda ekya FUFA, kironze abaaliiko abazannyi ba ttiimu y’eggwanga eya Uganda Cranes, ku kakiiko ak’emirimu egy’ekikugu aka Uganda Premier League season eya 2025/26 etandika leero nga 26 September,2025.
Abamu ku bali ku lukiiko luno ye Vincent Kayizzi, Tonny Odur, Diego Hamisi Kiiza, Yasser Mugerwa, Yusuf Kinene, Dan Wagaluka, Steven Bengo nabalala.
Omulimu gwabwe omukulu kwe kwekeneenya emipiira gyonna egigenda okuzannyibwa season, nga balonda omuzannyi abeera asukkulumye ku banne mu buli mupiira oguzannyibwa, muyite Man of the Match.
Okutandika ne season eno, FUFA yakakasiza nti buli Man of the Match mu round esooka agenda kufunanga ensimbi emitwalo 10, mu round ey’okubiri wakufunanga emitwalo 20 ate mu round ey’okusatu wakufunanga emitwalo 50, nga enteekateeka yonna yakumalawo ensimbi obukadde 74.
Kaano akakiiko ak’emirimu egy’ekikugu akatereddwawo, buli muzannyi gwe kanalondanga, yajja okuwebwanga ensimbi zino.
FUFA mu kusasula abazannyi ensimbi zino ekolaganye ne kampuni ya World Planet Communications Limited, nga abazannyi bakufunanga ensimbi zino mu ssaawa 24, ng’omupiira guwedde.
Bisakiddwa: Isah Kimbugwe
