Kyaddaaki Pastor Eng. Elton Joseph Mabiriizi ajidde ku kaadi ya Conservative Party asunsuddwa okuvuganya nga president wa Uganda mu kalulu ka 2026, oluvannyuma lw’ebiwandiiko bye okukakasibwa akakiiko akavunaanyizibwa ku by’enjigiriza ebyawaggulu.
Mu kusooka akakiiko k’eby’okulonda kaasoose kugaana ebimu ku biwandiiko bye ( master’s degree) ebibadde birina okusooka okukakasibwa akakiiko ka National Council for Higher Education.
Ebiwandiiko abikomezzaawo ku ssaawa kkumi ez’olweggulo nga biwedde okukakasibwa, naalyoka asuunsulwa.
Bamukwasizza emmotoka 2 ez’abakuumi n’abasirikale.
Mabiriizi asuubizza nti mu nnaku 100 nga ye President wa wakuyimbula abasibe bonna abaasibwa olw’ebyobufuzi.
Guno omulundi gwa kubiri nga Elton Joseph Mabiriizi yesimbawo ku bwa president, mu 2016 yajja talina kaadi kwajjidde.
