Enteekateeka z’okusunsula Elton Joseph Mabiriizi eyesimbyewo ku kaadi ya Conservative Party zikyaguddemu omukoosi, akakiiko k’ebyokulonda aka The Electoral Commission of Uganda kayimirizza eby’okumusunsula, olw’empapula ze ezimu ez’obuyigirize okuba nga zirimu ebitaankanibwa.
Mabiriizi adduse mangu okugenda mu kitongole ky’amatendekero agawaggulu ki National Council for Higher Education okutereeza ebiwandiiko bye n’oluvannyuma akomewo eri akakiiko ku ssaawa kkumi ez’olweggulo lwa leero nga 23 September,2025, oba enkeera nga yetereezezza.
Mabiriizi mu kwogerako ne bannamawulire ategeezezza nti ebiwandiiko bye ebiriko akabuuza bye bya Master’s Degree erina okusooka okukakasibwa aba National Council for higher Education.
Guno omulundi gwa kubiri nga Elton Joseph Mabiriizi yesimbawo ku bwa president, mu 2016 yajja talina kaadi kwajjidde.
