Esuubi lya Uganda okuwangulayo omudaali mu mpaka z’ensi yonna eza World Athletics Championships eziyindira mu Tokyo Japan, gyongedde okukendera oluvanyuma lwa Peruth Chemutai okulemererwa okumalako emisinde gya mita 3000 egya Steeplechase.
Mu kiseera nga ebulayo round ezitasuka 3, Peruth Chemutai agudde ennume y’ekigwo naddusibwa mu ddwaliro, era agenze okugwa nga yoomu ku baddusi 3 ababadde bakulembedde.
Oluvanyuma lwa baddusi banakinku Jacob Kiplimo ne Joshua Cheptegei obutagenda mu mpaka zino, esuubi lya Uganda okusinga libadde mu baddusi okuli Peruth Chemutai ne Victor Kiplangat, kyokka bonna kati bawanduse.
Peruth Chemutai agenze okujja mu misinde gyaleero nga ajjukirwa okuwangula omudaali gwa zaabu mu Olympics eyali e Tokyo ne Olympics eyabadde mu Paris, ate nga Victor Kiplangat ye yawangula omudaali gwa zaabu mu misinde mubunabyaalo egya World Athletics Championships ezasembayo.
Uganda mu mpaka za World Athletics Championships ez’omwaka guno yatutte ttiimu yabaddusi 21, era empaka zino zijja kukomekerezebwa nga 21 omwezi guno.
Bisakiddwa: Isah Kimbugwe
