Obwakabaka bwa Buganda bwongedde okukuutira abantu baabwo mu buli nsonda ya Nsi mwebali okunyweeza Obumu, kuba y’Entabiro y’Emirembe , Enkulaakulana n’Omukwano.
Bwabadde aggalawo Empaka z’Emipiira g’Amasaza egisambibwa Banna Uganda mu bibuga ebiri mu kyondo kya Buwarabu United Arab Emirates , Katikkiro wa Buganda Charles Peter Mayiga yebazizza abantu ba Kabaka abakuumye Obumu ,kyokka nategeeza nti obutakwaatagana obutonotono obubaawo tebusaanye kubaggya ku mulamwa.
Salim Nyombi ye mutesiteesi omukulu ow’empaka zino agambye nti, Empaka zino zikoze kinene okugatta abantu ba Kabaka abegattira mu bitundu ebyenjawulo ebibagatta omuli Abu Dhabi Masengere Buganda Bumu community, Dubai Bulange Buganda Bumu community ne Sharjah Muganzirwazza Buganda Bumu community.
Omupiira guno oguyindidde ku kisaawe Al Qusais weguggweeredde nga tiimu ya Dubai Bulange Buganda Bumu community ekubye Sharjah Masengere Buganda Bumu community goolo 4-3 ,mu kakodyo k’Okusinulagana penati.
Omuzannyi Fahad y’asukkulumye ku banne era aweereddwa ekirabo, ate Nasif ye mukwasi wa goolo asinze abalala.
Katikkiro Charles Peter Mayiga era agenda kuggulawo olukungaana lwa Buganda Bumu Arab and Asian Convention 2025 ku Sheraton hotel Creek mu Dubai, era nga ensonga nyingi ezigenda okukubanayizibwaako ebirowoozo.
Bisakiddwa: Kato Denis
