Club ya Villa Jogo Ssalongo egucangira mu liigi ya babinywera eya Uganda Premier League, mu butongole erangiridde nga bwekansiza omuteebi Frank Ssebuufu mu kwetegekera season ejja eya 2025/26 egenda okutandika nga 26 September.
Frank Ssebuufu atadde omukono ku ndagaano ya myaka 3 ng’acangira Villa Jogo Ssalongo endiba.
Ssebuufu avudde mu club ya New York Red Bulls ll eya America oluvanyuma lw’endagaano ye okugwako ate abakulu ne batagizza bugya.
Frank Ssebuufu ettuttumu yalifunira mu mpaka za Masaza ga Buganda, era yazannyira ttiimu ya Buddu yokka.
Okuva mu mpaka za Masaza yagenda mu club ya Wakiso Giants eyasaliddwako okuddayo mu FUFA Big League season ewedde.
Frank Ssebuufu asuubirwa okuzannya omupiira gwe ogusooka mu mujoozi gwa Villa Jogo ku Friday nga 12 September,2025 nga baddiηna ne KCCA mu mpaka za FUFA Super Eight ezikolanga ekiggula lujji olwa liigi.#
Bisakiddwa: Isah Kimbugwe
