Uganda yeemu ku ttiimu ezirwana okukiika mu mpaka z’ekikopo ky’omupiira eky’ensi yonna ekya 2026, ekubye Somalia goolo 2-0 e Namboole.
Uganda Cranes ewezezza obubonero 15 n’egenda mu kifo eky’okubiri mu kibinja G, nga Algeria ekikulembedde n’obubonero 19.
Uganda yalumba Somalia omwayo negikubirayo goolo 1 – 0.
Empaka za World Cup zigenda kutegekebwa Mexico, Canada ne America okuva nga 11 June okutuuka nga 19 July,2026.
Amawanga 48 gegagenda okuvuganya mu mpaka zino.
Ttiimu y’eggwanga eya Tunisia efuuse ttiimu ey’okubiri okuyitamu okukiika mu mpaka zino, bwerumbye Equatorial Guinea omwayo n’egikubirayo goolo 1-0.
Obuwanguzi buno bututte Tunisia ku bubonero 22 kuntiko y’ekibinja H mu mpaka ez’okusunsulamu, nga Namibia eri mu kifo eky’okubiri n’obubonero 12 tekyasobola kugiwanulayo.
Tunisia yegasse ku Morocco eyasoose okuyitawo, nga ssemazinga Africa anoonya ttiimu 09 ezinakiika mu mpaka zino.#
Bisakiddwa: Isah Kimbugwe
