Government eteekateeka kuleeta tteeka erinaluηamya abakozi ba bank z’ebyobusuubuzi n’ekigendererwa ery,okutereeza omulimu guno okuguggyamu abekobaana n’abafere.
Mu tteeka eriteekebwateekebwa, abakozi mu bank ez’enjawulo bakusooka okufuna ebbaluwa ezibakakasa mu mulimu guno, okuva mu kitongole ekya Uganda Institute of Banking and Financial services (UIBFS), nga bweguli ku bannamateeka okuva mu kitongole ekya Uganda law society, naabasawo okuva mu kakiiko aka Uganda Dental and practitioners’ council.
Etteeka eriteekebwateekebwa likulembeddwamu ekitongole ekivunaanyizibwa ku kusomesa n’okuluηamya empereza y’emirimu gy’abakozi mu bank ekya Uganda Institute of Banking and Financial services, (UIBFS).
Enkola eno yakuyambibwako bank ya Uganda enkulu, nti okuyambako okutereeza enkwata y’ebyensimbi, n’abakozi mu bitongole eby’enjawulo ebikola mu kugaba n’okutereka ensimbi z’abantu.
Ku matikkira g’ettendekero lya Uganda Institute of Banking and Financial services, agoomulundi ogwe 12, ogubadde ku Mistil Hotel e Nsambya, ssenkulu wa bank ya Uganda enkulu, Michael Atingi-Ego, obubaka bwe abutisse akola nga Executive Director mu bank ya Uganda, Richard Byarugaba, naasuubiza nti nga bank ya Uganda enkulu, baakuwagira nnyo etteeka lino.
Ettendekero lino era lirangiriridde enteekateeka y’okweyubula naakabonero akapya.
Mungeri yeemu asabye abayizi abatikiddwa okujjumbira okukozesa tekinologiya okulondoola emirimu gyabwe, okugabana amageI.
Mary Gorretti Masadde nga ye ssenkulu w’ettendekero agambye nti abayizi ebitundu 60% abatikiddwa bakyala, nga kino kigenda kiyambako nnyo okwongera abakyala mu bifo ebisalawo mu bank ez’enjawulo nokubasembeza ku nkiiko eziddukanya emirimu mu bitongole gyebakolera.
Bisakiddwa: Ddungu Davis
