Eyaliko omutendesi wa club ya KCCA, Abdallah Mubiru, alangiriddwa ng’omutendesi omuggya owa club ya Gaddafi eyakasuumusibwa okuzannya mu Uganda Premier League season ejja 2025/2026.
Abdallah Mubiru atadde omukono ku ndagaano ya myaka 2 ng’atendeka club ya Gaddafi.
Azze mu bigere bya Robert Mukasa eyakomezawo club eno mu Uganda Premier League okuva mu kibinja kya FUFA Big League.
Abdallah Mubiru abadde talina mulimu okuva lwe yagobwa ku club ya KCCA mu April 2025.
Bisakiddwa: Isah Kimbugwe
