Government ya Uganda efulumizza ensimbi trillion 17 ez’ekitundu ekisooka eky’omwaka gw’ebyensimbi 2025/2026, erigwako mu September,2025.
Omwaka gw’ebyensimbi 2025/2026 gwatandiika ng’ennaku z’omwezi 01 July,2025, kati gwakayitako wiiki 2.
Embalirira y’omwaka gwebyensimbi 2025/2026 eweza trillion 72.
Ensonda mu ministry yebyensimbi zibuulidde radio CBS, nti ku trillion 17 ezifulumiziddwa, kuliko trillion 6 nobuwumbi 900 ezigenda okusasula amabanja geggwanga, emisaala gyabakozi ba government giwereddwa trillion 2 n’obuwumbi 260, songa okutambuza emirimu gya government trillion 4 n’obuwumbi 490 zezifulumiziddwa, Obuwumbi 692 zigende mu nkulakulana y’eggwanga
Trillion 17 government zefulumizza mu ttunduttundu erisooka eryomwaka gwebyensimbi guno 2025/2026 likola ebitundu 23% ku nsimbi trillion 72 ezembalirira y’eggwanga ey’omwaka guno 2025/2026
Omuteesiteesi omukulu mu ministry yebyensimbi Ramathan Goobi ayise olukuηηaana lwabannamawulire okulangirira mu butongole enteekateeka y’ensimbi zino
Omwaka gw’ebyensimbi omulamba, government egukutulamu ebitundutundu 4 okuli erisooka, eryokubiri, eryokusatu neryokuna nga buli ttunduttundu lirimu emyezi esatu.#
