Ministry y’ebyensimbi ekakasizza nga bwetalina busobozi kusalawo mutemwa gwa nsimbi ogulina okusasulwa Obwakabaka bw Buganda, ku nsimbi zebubanja government ya Uganda, nti obuvunaanyizibwa buno buli mu mikono gya minisitry y’ebyettaka ne Ssaabawolereza wa government.
Ababaka abatuula ku kakiiko k’embalirira y’eggwanga okwabadde Ibrahim ssemujju Nganda, baatadde ku nninga ministry y’ebyensimbi erambulule ku mutemwa gw’ensimbi omutuufu government z’egenda okusasula Obwakabaka mu kuyita mu mbalirira y’eggwanga ey’omwaka gw’ebyensimbi ogujja 2025/26, era akakiiko kaAsazeewo okuyita ministry y’ebyensimbi okuleeta ebiwandiiko ebituufu ebyoleka omutemwa omutuufu.
Akakiiko k’embalirira minister omubeezi Oweby’ebyensimbi Henry Musaasizi gyeyabadde yayitiddwa, kasoose kubeera nansisinkano etakkiriziddwamu bannamawulire era kakulunguddeyo ebbanga eriwerako.
Oluvanyuma minister Henry musasizi ayingedde era naye yeevumba akafubo nebassentebe b’akakiiko , nga ebikanyiziddwako bisigadde mu massekkati gaabwe.
Oluvannyuma akakiiko katudde era amyuka ssentebe w’akakiiko n’ategeeza ababaka ababaddewo nti ensisinkano eno tesobola kugenda mu maaso,olwa ssentebe w’akakiiko ka parliament ak’ebyobuzimbi n’ettaka atalabiseeko mu nsisinkano eno, ateenga abadde wankizo.
Oluvannyuma lw’ebibaddewo CBS eyogeddeko ne minister Henry Musaasizi, atubuulidde nti ministry y’ebyensimbi terina busobozi kusalawo nakumanya mutemwa gwa nsimbi ezirina okusasulwa Obwakabaka, naajuliza Ssaabawolereza wa government ne ministry y’ebyettaka n’amayumba nti bebalina obuvunaanyizibwa obwo.
Ku Tuesday ya wiiki ejja nga 06 May,2025, akakiiko k’embalirira kakuddamu obubeera n’ensisinkano yeemu ku nsonga z’ensimbi ezirina okusasulibwa eri Obwakabaka mu mbalirira y’eggwanga eyomwaka gw’ebyensimbi ogujja 2025/2026.
