Government esuubira okusaasaanya ensimbi eziri wakati w’obuwumbi 10 -20, mu nteekateeka y’okuzimba akatale ak’omulembe e Kawuu, ku luguudo oluva e Kampala okudda e Ntebbe.
Akatale kano ke kamu ku ntekateeka ya government eya greater Kampala metropolitan affairs Urban development program egendereddwaamu okuzimba Obutale, nga Kampala yaakufuna Obutale 4, Wakiso Obutale 3 ne Mukono obutale 3.
Bwabadde atongoza entekateeka y’okuwandiisa abasuubuzi mu katale kano, Minister Omubeezi ow’ensonga za Kampala Christopher Kabuye Kyofatogabye, ategeezezza nti abakulembeze mu Wakiso babadde bakolaganika nabo, ekyanguyirizza government omulimu gw’okutandika okuwandiisa abasuubuzi, kyokka naalabula obutateeka byabufuzi mu nkulaakulana government gyebaleetedde.
Meeya wa Katabi Town council Ronald Kalema agambye nti okuzimbira abasuubuzi be Kawuku akatale kubadde kwalwawo, kuba mubadde mujjudde omujjuzo ,ate nga kaswaaza ekifaananyi kya Wakiso.
Ssentebe w’Abasuubuzi b’Akatale ka Kawuku Mugumya David, ategeezezza nti abasuubuzi abakunukkiriza mu 400 bebakolera mu mbeera embi mu katale kano, era nga okuva mu mwaka gwa 1972 tekafunanga buyambi bwonna kuva mu government.
Bisakiddwa: Kato Denis
