Emikolo emikulu egy’okukuza olunaku lw’abavubuka mu Buganda nga 16 November,2024 giyindidde mu lubiri lwa Ssaabasajja Kabaka e Mengo.
Katikkiro wa Buganda Charles Peter Mayiga ye mugenyi omukulu, ayaniriziddwa minister w’abavubuka eby’emizannyo n’ebitone Owek. Robert Sserwanga Ssalongo.
Katikkiro Obubaka bw’aweerezza abavubuka ku lunaku lwabwe, kwekubeera abayiiya era buli omu abeeko kyakola, era akiwe obudde kisobole okukula n’okukifunamu obukugu obwetaagisa, bewale n’okwagala ebintu eby’amangu.
Ebikujjuko by’emikolo gino bibaddemu enteekateeka nnyingi omuli emisomo gy’okwekulaakulanya n’okukubaganya ebirowoozo ku nsonga ezikwata ku bavubuka egyayindidde mu Muteesa I Royal Univeristy.
Akasiki akaabaddemu ebisanyusa n’okulaga ebitone kabadde mu Lubiri e Mengo.
Emikolo emikulu gibaddeko okwolesa emirimu egikolebwa abavubuka mu Buganda, empaka z’obugaali n’Ekigwo ekiganda, ennyimba n’ebirala.
Olunaku lw’abavubuka mu Buganda 2024 lutambulidde ku mulamwa ogugamba nti “Obukugu ,obuyiiya n’ebitone ku lw’enkulaakulana y’Abavubuka”.
Wabula wakati ng’emikolo gisemberera okuggwa, gitaataaganyiziddwa Nnamutikkwa w’enkuba abaddemu n’ekibuyaga asudde weema omubadde mukungaanidde abavubuka n’abagenyi babwe, saako okumenyamenya obutebe.
Basigadde mu bbanga enkuba nebagwerako.#
