Abatuuze ku kyalo Nyondo mu gomboloola ye Kayonza mu district ye Kayunga bakutte abagambibwa okuba ababbi ba waya z’amasanyalaze ne oil wa tulasifoma, nebabalippa emiguwa nga bagamba nti baludde nga babatigomya ku kyalo.
Abakwatiddwa nga basangiddwa ne waya z’amasanyaleze kuliko Ssengendo Ronald ne Kakayire Mubarak.
Abatuuze olubakutte nebababuuza akanana nakataanu, wabula nga byeboogera tebikwatagana.
Babadde bawoza kimu nti balina bannabwe bebabadde balinda okuleeta ebyenyanja beyongereyo.
Wakyaye Sam nga ye sentebbe we kyalo Nyondo akalatidde abatuuze okubeera obulindaala eri abantu aberimbika okubeera abakozi b’amasannyalaze, nti basooke kweyanjula mu b’obuyinza.
Atwala ekitongole Kya masanyalaze e Kayunga Birungi Eseza asabye banakayunga okukwata abobonna aberimbika okuba abamasanyaleze babatwale ku police, bennyonyoleko eyo.
Bisakiddwa: Kyakuwa Sawiya