![](https://cbsfm.ug/wp-content/uploads/2022/05/Screenshot_20220513-160602_Gmail-300x213.jpg)
Uganda eweerezza ttiimu yaabazannyi 42 egenda okuvuganya mu mizannyo 5, mu mpaka ISF World School zaGames ezigenda okubeera e France okuva nga 14 -24 omwezi guno ogwa May 2022.
Uganda egenda kuvuganya mu mizannyo okuli emisinde, okuwuga, ensero, badminton ne Table Tennis.
![](https://cbsfm.ug/wp-content/uploads/2022/05/Screenshot_20220513-160546_Gmail-300x173.jpg)
Omuzannyo gw’emisinde gwe gusinze okutwala ttiimu y’abazannyi abangi bali 16,abawala 8 n’abalenzi 8.
Omuzannyo gw’okuwuga gulina ttiimu y’abawuzi 8.
omuzannyo gwa Table Tennis gulina ttiimu y’abazannyi 6 ne Badminton abazannyi 4.
Ttiimu y’ensero eriko abazannyi 8 okuli abalenzi 4 Mathew Kisakye owa Kibuli Secondary School, Ethan Bulenzi owa Eureke School, Emmanuel Junior Omara owa Hope Secondary School Nakirebe ne Shane Favor Siima Birungi owa Kampala International School.
Abawala 4 kuliko Sarah Namale ne Mariam Patience Karungi aba Nabisunsa Girls School, Sheila Aber Lamunu owa Buddo SS ne Darlene Elsa Murungi Tashobya owa Vine International.
![](https://cbsfm.ug/wp-content/uploads/2022/05/Screenshot_20220513-160619_Gmail-300x209.jpg)
Ekibinja kino kisitudde ku ssaawa mwenda ez’olweggulo okugenda e France, bakulembeddwamu omumyuka wa president wa FUFA Justus Mugisha.
Bisakiddwa: Issah Kimbugwe