Ttiimu y’eggwanga ey’omupiira ogw’okubaka eya She Cranes eyolekedde New Zealand gy’egenze okukiikirira Uganda mu mpaka z’ensi yonna eza Fast 5 Netball World Series ez’omwaka.
Ttiimu egenze n’ekibinja ky’abantu 12,.
Nga tenasitula yasoose kusiibulwa minister omubeezi ow’ebyemizannyo Peter Ogwanga, eyabasibiridde entanda okulwanirira ekitiibwa kya Uganda.
Empaka za Fast Five Netball World Series zigenda kuberawo nga 09 ne 10 omwezi guno November,2024 mu New Zealand.
Ttiimu eno eri wansi wómutendesi Nelson Bogere, era abamu ku bazannyi abali ku ttiimu eno ye Irene Eyalu, Sandra Nambirige, Margaret Bagaala, Christine Namulumba, Shadia Nassanga, Mary Nuba, Faridah Kadondi nabalala.
Abategesi aba New Zealand, Bungereza, Australia, South Africa, Jamaica ne Uganda bebagenda okwetaba mu mpaka zino.
Guno gugenda kubeera mulundi gwakubiri nga She Cranes yetaba mu mpaka zino, nga ogwasooka gwali mu 2022.
Bisakiddwa: Isah Kimbugwe
