Omukulembeze w’ekibiina kya Natonal Unity Platform Robert Kyagulanyi Ssentamu Bobi Wine atabukidde abasirikale mu kitundu kye Kabaale abamusuulidde emisanvu mu luguudo nga bamutangira okuyita mu kibuga wakati.
Kyagulanyi ategezezza abasirikale nti ekibuga abadde alina okukiyitamu nti kubanga abaddeko Radio emu kw’abadde agenda okwogerera, era bwatyo oluvanyuma abasirikale bamukkirizza okweyongerayo.
Kinajukirwa nti Kyagulanyi bweyabadde agenda ku Radio emu e Kasese nayo yalemeseddwa abebyokwerinda era teyakyaziddwaa ku Radio, wadde nga baabadde bamaze okusasulwa.
Awanjagidde abakuuma ddembe nti bamuleke atambule mirembe mu nteekateeka gyalimu ey’okusisinkana abantu be, nga bwegubadde mu bitundu ebirala gyabadde waleme kubaawo fujjo likolebwa
Kyagulanyi bw’abadde ayogerako eri abantu ayongedde okukikaatiriza nti simulabe w’ababyakwerinda wabula naye alwana kukyuusa mbeera ya ggwanga lino.
Abantu be Kabaale beeyiye ku nguudo ekisannyalaza entambula y’ebidduka okumala akaseera.
Oluvannyuma Kyagulanyi agguddewo offiisi za NUP ku Nyerere road mu town ye Kabale.#