Omukulembeze we ggwanga Gen Yoweri Kaguta Museveni alagidde nti tewabawo muntu yenna mu government ye asengula bantu abawangalira ku ttaka lye Kasokoso mu district ye Wakso, era alagidde balyekulakulanyize balifuneko n’ebyapa.
Abantu ababeera ku ttaka lino babadde basula kutebukye, oluvanyuma lwokufuna oluvuvumo nga enteekateeka bwezikolebwa okubagoba mu ttaka lyabwe.
Bagamba nti bazze bekubira enduulu eri abakungu ba government abawerako wabula okuyambibwa kibadde kutono okutuusa lwebaatuusa eddoboozi lyabwe eri President Museveni.
Ekiragiro ekireka bano ku ttaka president Museveni akitisse Ssaabaminister wa Uganda Robinah Nabbanja, era mu bubaka bwe asabye banna Kasokoso okubaako byebakolera ku ttaka lino bakyuse obulamu bwabwe.
Ettaka lino liwerako yiika 400, era wabaddewo okuggugulana wakati wa baliwangalirako n’ekitongole Kya National Housing and Construction Company.
Mungeri yemu President abantu bano abasabye okwenyigira mu nteekateeka nga PDM,Emyooga ne birala ebitereddwawo government basobole okweggya mu bwavu.
Museveni agambye nti ekitongole Kya National Housing and Construction Company kinoonye ettaka awalala, nalagira nabantu abali ku ttaka lino buli omu aweebwe ekyapa ku kibanja kye.
