Police okwetoloola eggwanga etandise okunoonyereza ku bakuumi abakolera kampuni zÓbwananyini abagambibwa okwekobaana nábamenyi bámateeka nebafiiriza bakama babwe nébitongole byebaba bakuuma.
Okunoonyereza okwakakolebwaawo kulaga nti waliwo emisango egiwerako egiroopeddwa , ng’abakozi mu kampuni zino baweebwa ebitamiiza ebirimu kalifoomu, emmere n’ebirala, olwo abakyamu nebanyagulula ebintu ebikalu nénsimbi.
Police mu bitundu bye Nsangi eriko omukuumi mu kampuni emu gweyaggalidde, ng’emulanga kulagaggyalira kifo awasuzibwa mmotoka ne pikipiki, naabbibwaako mmotoka Isuzu namba UBH 441/U, nga ono kigambibwa yaweebwa ebyokunywa omwali kalifoomu.
Omwogezi wa police mu ggwanga Fred Enanga agambye nti ssinga kinazuulwa nti bano bekobaana nábamenyi bámateeka bakuvunaanibwa mu mbuga zámateeka.
Mungeri eyenjawulo police eriko abaserikale abawera beegobye ku mirimu, ate oluvannyuma n’ebaggalira ng’ebalanga kukozesa bubi ebyokulwanyisa bya government nÓbuyinza bwabwe , nebatuusa obuvune ku bannaabwe.
Abamu ku bagobeddwa kuliko Bwiire Moses Mangeni eyali akolera poliisi ye Namugongo mu district ye Kaliro, nga emulanga kukuba muserikale munne Kutosi Tyson akakumbi ku mutwe, oluvannyuma lwokugaana okumuwa piki piki ya police agendeko ewaabwe.
Omulala omugobe ategeerekese nga ye Cop Ambroze Katumwehe okuva mu greater Bushenyi, ng’ono yakuba amasasi mu nnyumba ya nnyini bbaala gyeyali agenze okunywa omwenge nga ye Nakyanzi Caroline.
Bisakiddwa: Kato Denis
