Poliisi etaddewo ensimbi obukadde ataano eri omuntu yenna alina amawulire oba amayitire g’omusajja alabikira mu katambi, agambibwa nti yeeyatemula abafumbo David Mutaaga ne Deboral Florence Mutaaga abaali abatuuze b’omu Lugonjo Ntebe.
Alina amawulire agakwata ku mutemu wakugayisa ku number y’essimu eteekeddwawo police eri 0769- 675 918.
Omutemu yeesoloSsa mu maka ga David Mutaaga nga 6 July,2025 nebabasalaasala okutuusa bweyabatta.
Police eriko akatambi keefulumizza nga kalaga omusajjja ayambadde empale emyufu ng’eriko ebyeru ku mabbali, n’essaati eya bbululu, eyakwatibwa camera enkessi ezomunnyumba.
Omwogezi wa police mu ggwanga Rusoke Kituuma asinzidde mu lukuηηaana lwa bannamawulire ku Kitebe kya police e Nagguru, nategeza nti omuntu yenna alina kyamanyi ku musajja ateeberezebwa okutemula abafumbo bano ategeeze police.
Mu ngeri yeemu Police era akutte abantu 5 abagambibwa okutemula Wayengera Geoffrey eyali akulira ekitongole kyobwanakyewa ekya Compassion International Uganda, eyatemulwa gyebuvuddeko n’omukyala gweyali atambula naye.
Kigambibwa nti Wayengera Geoffrey yatemulwa mu kubbo bweyali ava mu bitundu bye Mbale ng’adda Kampala, abantu abaali mu ngoye ez’amagye baamuzingako mu mmotoka ne bamukuba amasasi agaamuttirawo.
Abakwate basangiddwa n’e byambalo bya police n’amagye era bakuumibwa mu kaduukulu ka police ng’okunoonyereza bwekukolebwa.
Omwogezi wa police Rusoke Kituuma agambye nti bakutte abantu 5 abagambibwa okwenyigira mu butemu buno nga kuliiko ne banamagye, era bakubayamba mukunonyereza kwebaliko.
Bino webijidde nga nomukulembeze we ggwanga Gen Yoweri Kaguta Museveni yategezeza nti obutemu obukolebwa ku bantu bweyongedd,e era bakubukolako nga bwekyetagisa okubumalawo.
