Omwana ow’emyaka 3 Ssegujja Jeremiah afiiridde mu muliro ogukutte ogukutte ennyumba mu kiro, mu zone ya Kibiri B e Busabala mu gombolola ye Makindye Sabagabo mu district ye Wakiso.
Okusinzira ku police kiteberezebwa nti omuliro guno guvudde ku masannyalaze agatandikidde ku ffiriigi ne bbinika mu nnyumba y’omutuuze Nabukeera Faridah atali mu ggwanga mu kiseera kino.
Mu nnyumba mubaddemu Namwanje Margaret n’omwana wa myaka 3 Ssegujja Jeremiah.
Kigambibwa nti Jeremiah yandiba nga yafudde kiziyiro olw’okuliro ogwamusaanze nga yebase.
Amyuka omwogezi wa police mu Kampala ne mirirano Luke Owesigire ategezeza cbs nti omulambo gutwaliddwa mu ddwaliro e Mulago okwongera okwekebejjebwa.
Ennyumba bbiri zezisanyeewo mu muliro guno.#
