Poliisi mu kibuga kye Mbale etandise omuyiggo gwÓmusajja Kaggwensonyi, asobezza ku mwana w’essomero wa Myaka 15 naamutta.
Enjega eno egudde ku kifo ekimanyiddwa nga Grace Guest House ku kyalo Namakwekwe mu Mbale Northern City Division , ng’omugenzi abadde asoma mu siniya eyookubiri.
Kigambibwa nti Omusajja ayitibwa Iman yapangisizza ekisenge mu Grace Guest House, wabula tebaategedde muntu gweyayingizzaamu.
Oluvannyuma abaddukanya ekifo kino bakubiddwa essimu gyebategedde oluvannyuma nti ebadde ya muwala ng’ebategeeza okugenda okulaba ekibadde mu Kisenge kyeyapangisizza.
Bagenze okutuukayo nga mulimu mulambo, kyokka ng’omusajja taliimu era essimu yajibakubidde yadduse dda.
Omwogezi wa police mu bendobendo lya Elgon Rogers Taitika etegeezezza nti ekutte omu ku bakulira ekifo kino Peter Nabende, ng’okunoonyereza bwekugenda mu maaso.
Omulambo gwÓmuyizi gutwaliddwa mu ggwanika lyÉddwaliro lye Mbale, songa neebimu ku biteeberezerezebwa okukozesebwa okutirimbula omuyizi ono omuli engoye zaabadde ayambadde bitwaliddwa police ng’ebizibiti.
Bisakiddwa: Kato Denis
