Omusuubuzi ng’abadde akola n’ogwokuwola ensimbi Lawrence Lutaserwe n’omukuumiwe ow’awaka Rashid Ssenyonga bakubiddwa amasasi agabattidewo e Kasenge ku luguudo oluva e Nateete okudda e Nakawuka mu Kyengera town council.
Abatuuze bagamba nti bawulidde amasasi nga gavudde essaawa zibadde mu ttaano ez’ekiro, nga bateebereza nti abamukubye bandiba nga bazze bamuwondera.
Kigambibwa nti olwatuuse ku mulyango oguyingira ewuwe emmotoka endala nemwekiika mu maaso nebamunyagako ensimbi zaabadde nazo ezitannamanyika muwendo, bw’ayagezezaako okubawondera olwo nebamusasira ebyasi ebimusse.
Omukuumi abadde alinze okuggulawo oluggi ewaka oluwulidde mukama we ng’alaajana n’agezaako okujja omumutaasa, naye nebamukuba ebyasi.
Oluvannyuma lw’ekiseera abadduukirize bazze okubataasa, omukuumi afudde bakamutuusa mu kalwaliro akali okumpi.#