Omusirikale wa police SP Christine Agwang abadde akulira ekitongole ekivunaanyizibwa ku ensonga z’aaana ku police e Katwe ki Child and Family Protection Unit, asangiddwa afiiridde mu nju ye mu ngeri y’ekibwatukira.
Kigambibwa nti afiiridde mu maka ge e Kyanja mu kiro ekikeseza olwaleero nga 24 November,2025, wabula ng’ekivuddeko okufa kwe tekinategeerekeka.
Kigambibwa nti Christine yebase mulamu, wabula bugenze okukya nga mukama amututte.
Omwogezi wa police mu Kampala n’emiriraano Recheal Kawala agambye nti bakyaliko byebakuηaanya ku nfa ya SP Christine Ogwang, balyoke bafulumye alipoota.
Christine Ogwang musirikale wa 3 police bezze efiirwa mu bbanga ettono ennyo, nga eyakasembayo ye SP Ronald Mutabaazi eyali akulira eby’okwerinda byabakungu mu ssiga eddamuzi ne commissioner wa police eyali atwala police ya Sango Bay Godfrey Maate.#
