Munnansi wa China Wang Libao Jack wa myaka 36, akaligiddwa mu nkomyo yebakeyo emyaka 3, asingisiddwa gwakuddira sente za mukamawe n’azizannyamu zzaala.
Ensimbi zeyazannyamu zzaala zaali obukadde 200 eza shilling, ne dollah za America 125,000.
Obujulizi bulaze nti nga 22 June,2023 Wang Libao Jack abadde General manager wa kampuni ya China North Machinery Company limited, yakungaanya sente ezo okuva mu bantu kampuni beyali ebanja, n’azitwala mu kibanda kya Zzaala (Casino) azizaazeemu, wabula zonna nebazikubirayo.
Omulamuzi wa kooti ya Buganda Road Ronald Kayizzi amuwadde ekibonerezo kyakusobwa mu nkomyo emyaka 3, ate aliwe n’ensimbi zonna obukadde bwa shs 200 ne dollah 125,000/=
Omulamuzi agambye nti ekibonerezo kyawadde Wang kyakukola ng’eky’okuyiga eri abakozi abasuula obwesige bwa bakamababwe, nebakozesa sente zabwe mi ngeri y’okuzannya zzaala nga bagenderera okwegaggawaza okw’amangu.
Bisakiddwa: Mpagi Recoboam
