Entambula esannyaladde ku luguudo oluva e Kampala okudda e Mityana mu kitundu Omugga Mayanja wegusalira, wakati w’ekyalo Buyala ne Buloba.
Oluguudo luguddemu ekitundu nga kiteeberezebwa okuba ng’ettaka lyaanafuye oluvannyuma lwannamutikwa w’enkuba abadde atonnya ennaku zino.
Ekitundu ky’oluguudo olwo ku mukono ogw’abatambula okudda e Kampala kyekyeebezeemu, nga Kati ebidduka byonna biyita kuludda lumu era kino kivuddeko ebidduka okutambula akasoobo mu kitundu ekyo.
Abamu kubatuuze aboogeddeko ne Cbs nga bakulembeddwamu omukiise w’eggombolola ye Muduuma ku lukiiko lwa district ye Mpigi Ssendyoowa Francis wamu ne Mateega Lameck Omutuuze we Buyala Muduuma, basabye ministry y’ebyenguudo okukola ekiyundu ekibbomose mu bwangu, okwewala obubenje obwolekedde okufiiramu abantu mu kitundu ekyo.
Bisakiddwa: Sserugo Patrick
