Vice President Maj. (Rtd) Jessica Alupo awangudde akalulu ka NRM ak’omukiise w’abaazirwanako, ku kyalo Oigo Imumwa mu Katakwi District.
Rtd Maj.Jesca Alupo era nga yemubaka omukyala owa Katakwi awangudde eyali akulira ekibiina kya Arrow Boys, Charles Alungo.
Alupo afunye obululu 307 ate Alungo afunye 7.
Okulonda kw’abakulmbeze ba NRM ku byalo kukomekkerezeddwa mu ggwanga lyonna, wabula mu bitundu ebimu kubaddemu ensamba ggere, n’okukuba amasasi okugumbulula abawagizi b’abesimbyewo, saako ebyalo ebimu okulagirwa okuddamu okulonda olw’emivuyo.
RDC we mukono era nga yakulira eby’okwerinda Hajjat Fatuma Ndisaba agamba nti okulonda kubadde kutambudde bulungi naye ebizibu ebivuddeko obuvuyo mu bitundu ebimu bivudde ku ba registrar ababadde baliko bebaagaliza ebifo ekintu ekikontana ne party, nga kino kyekiviiriddeko ebyalo ebimu okulagirwa biddemu.
Kukyalo Kireka D mu Kira municipality district ye Wakiso naye gibadde nsambaggere, olwemivuyo abawagozi gyebagamba nti gyibadde mingi omubadde n’obutagoberera nkalala eziri mu Yellow book.
Police e Lwengo ewaliriziddwa okukuba Amasasi mu bbanga n’omukka ogubalagala mu banna NRM olw’ emiggo, ebikonde n’ensambaggere okwefuga okulonda kwa NRM ku byalo ebiri mu Constituency eya Bukoto West mu district ye Lwengo.
Wabula waliwo n’ebitundu ebironze mu mirembe n’okukkaanya.
Okulonda kwa NRM ku byalo mu district y’eKalungu kukomekkerezeddwa mu mirembe wakati mu Bannakibiina okukkaanya ebifo nebabigabana bugabanyi.
Mugayi Godfrey akulira ebyokulonda mu NRM e Kalungu ategeezezza nti ku byalo 268 ebikola Kalungu, okulonda kubadde mu byalo 15 byokka, ewasigadde abaasunsulwamu bayiseemu nga tewali abavuganyizza.#
